A última semana de xaneiro foi a semana da Paz no CEIP Fonte Escura. Traballamos o conto "A pomba Mari Paz" nas aulas e rematamos a actividade buscando aos personaxes do conto por todo o cole. Cargados coas tablets e as plantillas, fixemos o percorrido que nos indicaban os pictogramas que aparecían ao ler os códigos QR, repartidos polas diferentes estancias. Ao atopar a pomba recibimos un saquiño de caramelos para compartir!!!
O 30 de xaneiro celebramos o día da Paz, polo que marchamos todos ao ximnasio e tivemos a sorte de ver como as nosas cociñeiras favoritas, a profe Montse e a profe Lourdes, nos amosaban a receita da paz. Por suposto, axudamos a que a receita saíra xenial engadindo os ingredientes máxicos: Amor, esperanza, amizade, inclusion, familia, etc. Por último cantamos todos a canción "Quérote máis".
Aquí vos deixamos uns vídeos de como foi a nosa festa da PAZ!
No hay comentarios:
Publicar un comentario